قالوا لنا نروح الانتخابات نحط الصوت رجال ستات
مافيش تزوير.. مافيش تقفيل مافيش كشوفات بها أموات
وكله يروح.. مافيش غايبين بقلب وروح هنختار مين
ما أنا المصرى اللى عارف الكل وأنا بنفسى اللى شفت الذل
وهاختار مصر قبل الكل صباح الفل يا مصريين
على عينى يا أحزاب مصر فى إيدكو الحل.. نخش العصر
وأنا الشعب اللى هيغير وأنا بعرقى هاجيب النصر
أنا البنا بقى لى سنين وأنا الفلاح وهختار سين
وأنا العامل وأنا المبدع وأنا الأجدع ليوم الدين
لأول مرة.. يا مصريين وبعد الثورة مافيش فاسدين
دفناهم.. وهم أحياء شطبناهم.. من الأسماء
وهمه لسه مش عارفين وهمه برضه مش فاهمين
صحينا خلاص.. وفيه إخلاص لمصر بلدنا ست الناس
ما أنا المصرى اللى عارف الكل وأنا بنفسى اللى شفت الذل
وهاختار مصر قبل الكل صباح الفل والياسمين
الزقازيق - شرقية
