يا رب كل مذنب يلحق يتوب.. وكل متأخر يلحق يفوق.. هى لحظات وبنعيشها.. يكفينا شربة مية ولقمتين من عيشها.. لو نصيبك نجمة ف السما ولا حد يقدر يحوشها.. ولا كيد العدا ولا ممالك بعروشها.. ما فيه غير دوا لكل مهموم.. يلحق يرجع لربنا ويستسمح المظلوم.. يغسل قلبه من سواده وينضف الهدوم.. يلبس توب الرضا.. ويصحى للمكتوب.. دا العمر امتحان وابتدى وحسنات وذنوب.. يا فرحة اللى عرف التجارة الصح.. ما تبيع نفسك للمال ولا حزن ولا فرح.. مهما تجمع من الدنيا هاتلقى النتيجة طرح.. دا كفاية قلب مطمن ورب راضى.. تجارة عمرك معاه مكسب.. ولو مع غيره راح ع الفاضى.. اصحى لكلامى ماتقولش دا عادى.. فيه قبلك ماسمعوش الكلام.. عرفوا حقيقتها ف لحظة موت.. اتمنوا لحظة يعيشوها وإنت سايبها تفوت.. وبرضه شايفها شىء عادى؟!
