عاش الجيش والشعب المصرى أكبر قصة حب بجد
حب بيكبر وبيترسخ فوق الوصف ومالهوش حد
لما الشعب المصرى اتحرك ضد الظلم وحكم الفرد
واما الظالم قام يترنح زج الجيش من أجل الحصد
فاكر إن الجيش المصرى لعبة ف إيده ف وقت الجد
حايساعده فى إخماد الثورة ويبيد الشعب اللى انهد
الشعب اللى اتحمل ظلمه وبيحلم بالنور والغد
واتحدى الموت من غير رجعة فى ميدان التحرير وامتد
زحف بيسرى فى مصر بحالها ماشى فى وسط النار والبرد
حالف ليكمل مشواره أقسم لازم يوضع حد
للظالم ويشيل أركانه واحد واحد من غير عد
ويطلع فجر الحرية من بعد الليل اللى اسود
والظالم شاف اللى بيحصل غمض عينه وبقه انسد
لما الجيش قام يحمى الثورة ويدافع عنها وبيصد
وبيحمى بيوتنا وأرواحنا متحلى بأخلاق الجند
واما نجيب سيرة الجندية قول دول خير أجناد الأرض
عاش الجيش الحر المصرى لما يصون المال والعرض
وبيحمى الشعب وثواره من بطش وإرهاب الوغد
شفتوا ازاى الجيش المصرى أكبر حامى وأكبر سد
للشعب اللى اتغنى بحبه أجمل غنوة حب بجد
الإسكندرية
