أنا جيت لك ومتأخر.. يا ريت تعذرنى وتقدر.. قطعت الدنيا من ديلها لحد الراس.. وجيت عندك ومتحرر.. وليه بنبص فى الساعة دوام ماشية وعمر عقارب الساعة ما بتأخر.. وعمر الساعة ما توقف ولا ثانية.. تعد الوقت باللحظة عشان نوصل قدر مكتوب.. ويا ريت الدنيا تمنحنا لو لحظة عشان ما نتوب.. ونرمى حمول منشالة على الأكتاف تخف ذنوب.. ونتوضا ونتطهر ف ماء طاهر متطهر.. من بطن الأرض متفجر.. لطفل رضيع عايز شفطة تبل الريق.. وأمه بتسعى من الخضة بتجرى مرة وتهرول.. ومرة تبطأ السرعة تدوّر له على نقطة دا طفل برىء.. دى لحظة صحيح كانت فارقة.. وقلب الأم م الغرقة فضل يسعى سبع أشواط.. واحنا أهه لازم نسعى.. نلبى ونخلص النية.. وتحت الراس كانت مية.. نزلت منها أتوضا وكلى حماس.. وبرغم وصولى متأخر.. يا ريت يا رب تغفرلى أنا والناس.
