يوم وقفة عيد الأضحى شفت منام قبل يا دوب ما أصحى
زيارة اتمنينها والمولى سبحانه بأمره لىّ أوحى
شفت ملاك وأخذنى لفوق كل ما أصعد أحس بشوق
وفى لحظة لقيتنى فى مكان منتهى لا نهاية من الذوق
بروحى الهايمة فى رؤيا باشوف ناس تهتف ورافعة كفوف
لبيك اللهم لبيك من كل الأجناس بتطوف
وحسيت إنى باقضى مناسك مع حاج وأنا فى إيده ماسك
ولما جيت أهتف صحيت على صوت بيقول لى ارفع راسك
قمت صحيت من نومى فزيت ابنى يقول لى بابا ياريت
ولما سألته قال لى سمعتك بتقول شىء الله يا أهل البيت
وقال لى يابابا مالك مخطوب قلت له يا ابنى كنت باطوف
رد وقال لى المولى رحيم يوم الوقفة علينا عطوف
قال لى يابابا أنا قبل ما أقوم يوم الوقفة بعد الصوم
شفت فى غفلة بدر منور بيدور من حواليه نجوم
قلت له يا ابنى أحلامنا أكيد تفسيرها رحلة لبعيد
سبحانه كرمنا عشان فقرا بزيارة الكعبة فى العيد
الإسكندرية
