سلامتك بلادى يا فرحة ودادى.. متيم وبيكى قلبى أسير.. سلامتك ونيلك ونعيش نغنيلك.. يموت اللى كارهك وعمره قصير.. هترجع عصورك تزهزه قصورك.. وتطرح جناينك مسك وعبير.. سلامة عيونك وربى يصونك.. جمايلك علينا وخيرك كتير.. عاشق ملامحك وقلبى مسامحك.. وحضنك دوايا وقلبك كبير.. نجومك وشمسك وصوتك وهمسك.. ولمسك دليلى فى خط المسير..
حافظ حيطانك وريحة غيطانك.. وبهتف بحبك وسرك فى بير.. بعيدك أروح ألاقى الجروح.. وأصبح فى غربة وزادى مرير.. شوفى أنينى وشوقى وحنينى.. أرفرف وأرجع لحضنك أطير.. عطشتى تلاقى روحى سواقى.. تنادى ألبى وأمرك يصير.. قطنك ودهبك ومين اللى نهبك.. ومين اللى مخلص وبيكى جدير.. شبابك ربيعك لو غادر يبيعك.. بتصبح نهايته فى أسوأ مصير.
سوهاج
