| ||||||
ليه بنصدق كل الناس
ليه بيموت فينا الإحساس
لما بندى عقولنا لغيرنا
لما نبيع بإيدنا ضميرنا
غصب عنا تموت أحلامنا
ويفضل خوفنا تملى قاتلنا
لازم نعرف إن عدونا عايش بينا
لازم نفهم إنه كمان عمره ما هيسبنا
لما الكدبة بتكبر فينا نصدق روحنا
لما نلاقى الشك مالينا يزيد ف جروحنا
ليه بنخلى الكلمة تملى تفرق بينا
ليه بنعادى اللى قريب دايماً منا
ولما نفوق علطول بنقول بإيدينا مصيرنا
قبل ما ييجى اللى يبعنا غصب عنا
هى بلدنا دى لعبة ف إيدنا ولا لغيرنا
طول ما الكدب ما بينا كتير مين هيصدقنا
مين يحمينا لما تهون العشرة علينا
ولما نضيع والله ما حد هيسأل فينا
بسأل نفسى سؤال حيرنا
إحنا بكده رايحين على فين
نعرف مين اللى مدمرنا
ف وحدة شعب بقى له سنين
ردوا علينا يا بنى آدمين
مين العملا والخاينين
لما نهين ف عقيدة ودين
يبقى بكده رايحين على فين
ليه بنصدق كل الناس
ليه بيموت فينا الإحساس
لما بندى عقولنا لغيرنا
لما نبيع بإيدنا ضميرنا
غضب عنا تموت أحلامنا
ويفضل خوفنا تملى قاتلنا
كلمات: عصام عبدالله
|
