متصدقوش اللى بيتقال جيشنا فل وعال العال
خليكو صاحيين يا شباب الثورة دا شغل أونطة ولعب عيال
عمر الجيش ما حيضرب شعبه مهما قاسى وساء الحال
لازم نقدر سهره وتعبه ضرورى نسانده فى كل مجال
بلاش نصدق أى كلام ونشغل بالنا بالإشاعات
علشان بلدنا تعيش فى سلام كفاية سنين عشنا فى متاهات
وعانينا ياما من الصراعات وماضى أليم أهو عدى وفات
جيشنا حامينا وحامى ترابنا موش حيفكر يوم يخدعنا
الحاقدين موش عايزه تسيبنا حتوقع بينا وتضيعنا
بالصبر وهدوء وبحكمة والعقل نحقق أهدافنا
لا نلاقى مشاكل ولا أزمة ولا حاجة تانى تخوفنا
بلدنا فى مركب غرقانة بتدور على بر أمان
بلدنا فى إيدينا أمانة المصرى أعظم إنسان
موش حيسيبها فى يوم حيرانة حيوصلها لأعلى مكان
بإخلاصه وإيديه العرقانة مصر حتبقى حضن أمان
