وحياة ولادك يا وطن وأحلف بكل شهيد.. لخلى بكرة دنيتك مليانة بالتمجيد.. وأبنى وعلى دولتك ومعايا ألف حبيب.. وأرفع راسك فى السما لو وسط ميت مليون.. الدنيا سمعت كلها وعرفها كل الكون.. بشباب مصر كلها النصر كان مضمون.. شباب يناير ثورتك تمنها كان شهداء.. ضحوا بروحهم كلهم علشان يزول الداء.. والشهرة سبقت كلمتك مصرى بلا فرعون.. يا مصرى ابنى دنيتك بدراع وقبضة حديد.. وتبقى بكرة همتك تبنى ف عصر جديد.. وخلى بلدك سكتك ونعلى فيها سنين.. وننور بيها فكرتك ونخلى بكرة العيد.. وزى نوح الباخرة نوصل بيها للصين.. ونعيش فيها بسلام لو حتى بالملايين.. بكرة يا مصر كلنا ح نعمل فيكى الإنجاز.. والعالم يحكى عننا ويقولوا ده الإعجاز.. ونبقى مصريين ولكل واحد دين.
