عايزين رئيس يدق الباب زى الخليفة ابن الخطاب
يسألنا عاملين إيه يا أحباب العيشة حلوة ولا عذاب
فيه حد عاطل هنا يا شباب أو له معايا أى عتاب
وليه العريس دا شعره شاب ناقصه سرير ده ولا دولاب
م الإسكان مستنى جواب وفيه قصور مخصوصة لكلاب!
كلتوا فلافل ولا كباب والميه نازله ليه بتراب
ويشوف غطانا ليكون داب ويجيب له حتى إن شا الله جراب
ويعيد أملنا بعد غياب تلاتين سنة فى صراع وسراب
ساعتها بس ينوبه ثواب والشعب يزعل لو يوم غاب!!
الإسكندرية
