خلاص يا أمى أنا مسافر.. وتارك كل ما ليا.. بحبك يا ماى وترابك وأحبابك أعز شىء علىّ عنيا.. راحل يا أمى وأنا تعبان.. ماشى وقلبى هنا مكسور.. راحل يا أماى وأنا خايف.. من بكره وبعده وإيه هيكون.. ماشى مغمى ومش شايف.. وإيه فيكى يا أمى كان مضمون..
راحل يا أمى من التخوين.. تعبت من القسوة عليّا.. دا انتى مالية الفؤاد والعين.. وأنا ولا حد دارى بيّا.. راحل يا أمى بدموعى.. ما أنا فيكى تعبت كتير.. مش ضامن حتى رجوعى.. بس أنا ضامن التغيير.. راحل وبحبك موت.. وحبك عايش فى وجدانى.. ده العمر يا أمى بيفوت.. وهيفوت ومش راجع تانى.. راحل يا أمى وادعيلى.. طول عمرك قلبك كبير.. ادعيلى الدنيا تدينى.. ادعيلى يا أمى كتير!
