لحد فين يا مصر رايحة.. خايف عليكى.. كل اللى راح وفقد حياته علشان عنيكى.. خطوة جريئة لشباب جريح من حكم فاسد كان مليكى.. تحرير كفاية.. كورنيش حرام.. فى الشغل لازم تكون عنينا نظرة عليكى.. مسلم، مسيحى، دى الميه واحدة والحضن واحد.. وحبك شعارنا ويكون سلوكى.. كنا بنحلم زمان يكون لينا صوت.. وتقدر تكلم زميلك والوشوشة تنتهى والرعشة فى قلوبنا تموت.. رايحة فين يا مصر؟ المشكلة بدأت خيوطها وجسد الفقير اتهد.. من كل ناحية اتخنق ولا حد إيده مد.. يروح لمين؟ دى كل واحد فى وادى، ولا كلمة منهم جد.. وكل شىء سعره ارتفع، يعيش منين، وفى وشه حيطة سد.. يروح لمين؟ توب الوطن اتقطع ووزعوه على بعض.. وكل شىء اتكشف وفيه حاجات خلصت.. ده عمر اللى راح ما رجع.. مصر خلاص خلصت.. مش يأس منى لوحدى.. إنت كمان زيى.. إيدى فى إيدك ندور على اللى إيده يمد.. يمكن نلاقی فارس من طينة حرة.. وعاش معانا على المرة.. ويبنى بدل ما يهد!!
دراجيار- الشهداء- منوفية
