فضوها سيرة يا شباب.. واتركوا الميدان.. مش كل شوية مطالب.. وقفتوا حال البلد وقلبتوا ليه الميزان.. «الثورة» من المفروض للأحسن.. رجعنا تانى لورا وبقينا فى غليان.. السياحة اتوقفت.. والعدو بيضحك عليكم واقف هناك فرحان.. والبلطجية حرقوا البلد والفساد أصبح فى كل مكان.. حيرتوا «جحا وابنه» فى حكاية الحمار.. نزلوا وسابوه، لما قلتم على الحمار غلبان.. حا يعمل إيه ليكو «شرف».. دا كل يوم تغيير.. عايشين بدون اتزان.. يا ابن البلد.. يا واعى يا معلم.. افهم بإن صهيون والأمريكان.. عاوزين يقسموا البلد..
كيف ما حصل هناك فى السودان.. وهيحاولوا كدا فى اليمن.. وفى ليبيا وسوريا وفى لبنان.. من مصلحتهم يفتتوا البلدان.. احترسوا وكفاية يا جدعان.. عاوزين يبنوا إسرائيل الكبرى.. من الفرات للنيل ويستولوا على إيران.. يبقى الحقيقة واضحة يا ناس.. وكل شجين انكشفن وبان!.. حافظوا على ثورتكم.. الجيش والشرطة والشعب يد واحدة.. مسلم مسيحى حتعلوا فى البنيان.
قبائل أولاد على- البحيرة
