الشيخ جمعة خطب الجمعة وسمعناه فى الخطبة يقول
لماّ نصوم وتصوم جوارحنا صومنا بإذن الله مقبول
عايزين ويا الله نتصالح عايزين ويا الجار نتسامح
عايزين صوم وصلاة وعبادة وزيادة فى العمل الصالح
ويا ريت نفضل كده على طول
صوم اليد ما يَئْذيش بيها إنسان أو طير أو حيوان
صوم الرجل ما تمشيش بيها مشوار فيه غضب الرحمن
أما العين لو مرة يا صايم صدفة وطلت ع الحلوين
ليك النظرة الأولى ولازم تستغفر ربك بعدين
ويا ريت نفضل كده على طول
أما لسانا دا يبقى حصانا بده لجام وكمان خيال
اذكر بيه الله يتعطر وابعد بيه عن قلنا وقال
أما اللى يصوم وبيفطر - لامؤاخذه- على لقمة حرام
أهو دا اللى بيجوع وبيعطش ولا يمكن ينفع له صيام
عايزين ويا الله نتصالح عايزين ويا الجار نتسامح
عايزين صوم وصلاة وعبادة وزيادة فى العمل الصالح
ويا ريت نفضل كده على طول
عضو جمعية المؤلفين والملحنين
