قوليلنا يا مصر طريقك فين.. لحسن تهنا عن العنوان.. م اللى بيجرا بقينا تايهين.. وقلوبنا دابت من الأحزان.. اللى بيجرا ده موش معقول.. معدش فيكى يا بلدنا أمان.. واللى جاى أصبح مجهول.. الناس عايشة فوق بركان.. الناس الغلابة ماليها الخوف.. حياتهم صبحت مزعجة..
لما بتقرا ولما تشوف.. الإجرام والبلطجة.. بعد الثورة قولنا خلاص.. الغمة انزاحت وفرحنا.. بالعمل ويا الإخلاص.. بإيدينا ندور مصالحنا.. لازم ننسى جراح الماضى.. كفاية سنين عشنا فى متاهات.. وبلاش فوضى وكلام فاضى.. بلاش نستسلم للصراعات.. بالصبر نحقق مطالبنا.. وكل شىء راح يصبح عال.. بلاش نحطم فى بلدنا.. بالحب ندوس على كل محال.
