أوعدنا يا رب ليلة القدر واشرح لنا بيها الصدر
نستناها ليالى الوتر فى أواخر رمضان للفجر
أملنا يا رب ترضى علينا ما يكون محروم ولا شقى فينا
وتعم الخيرات حوالينا وتاخد بإيدينا وتهدينا
قلوبنا قالت سبحانك ما يهمها غير غفرانك
لا مفر منك إلا إليك يا رب ما أعظم شأنك
عود قلوبنا عطاء الحب لغيرها زى ماليها تحب
فى الدنيا نتهنا ونرتاح وتوبة تمحى عذاب القلب
يا رب ما نكون ظالمين جنبنا الشياطين يا رحيم
ابعدنا عن دعا المظاليم دا دعاهم بيودى جحيم
قرآنك آى ذكر حكيم دستور وشفاعة وتعاليم
نأدى الأمانة نوفى الدين ونيجى القيامة بقلب سليم
أوعدنا يا رب ليلة القدر أوعدنا يا رب ليلة القدر
