البيضة قبل الفرخة.. والفرخة قبل البيضة
دستور قبل انتخابات.. والا انتخاباتنا البيضة
مايهمش إيه الأول.. ولا نبدأ م الأول
دحنا كنا بنتسول.. عالقشر بتاع البيضة
ومادام هنفوز بالجوز.. ما نبطل نضرب بوز
ونكمل فى التغيير.. ونغير لما نعوز
والميه عالرقاص.. هتكدب الغطاس
يا بلدنا يا أجدع ناس.. مش عايزين حد عجوز
الثورة عملها شباب.. وإحنا كلنا أحباب
لو خاين ولا عميل.. مايقربش من الباب
والشعب خلاص فطموه.. بقى مصرى ابن أبوه
هيحاكم اللى باعوه.. مع إبداء الأسباب
م الآخر يا ولاد مصر.. حصرياً جوه وبره
مين اللى هيرفع مصر.. ويأسس مصر الحرة
إلا شبابها وعقولها.. لو قدروا صحيح يوعولها
بالحرية على أصولها.. ومافيش تفريق بالمرة
مهندس بحرى
الزقازيق- شرقية
