حد يقوللى يا مصريين.. إحنا على فين رايحين.. ردوا عليه يا مسلمين.. ردوا عليه يا مسيحيين.. إحنا شعب ثار وقرر.. وبإنجاز عمره ما يتكرر.. كل العالم شهد وقدر.. إلا إحنا وقفنا نفكر.. يعنى إيه مطالب ثورة.. وبرضه مش عارفين.. يا مصرنا على فين رايحين.. شوية فلول نظام.. وشوية مسلمين وأقباط.. وشوية عيال يضربوا الظباط.. ومرور مفيهوش أى انضباط.. بقت حاجة آخر استعباط.. وبرضه مش عارفين.. ولا فى فلول ولا طعمية..
بلادنا أتملت حرامية.. خدو بالكم من الكلمة داهية.. بقينا فزمن الفورمجية.. ماشيين شايلين بندقية.. خايفين تثبيت ولا حركة مش هية.. بلاش نتجه للفوضوية.. مخاطرها كبيرة وقوية.. هتهدم كيان الديمقراطية.. والعدالة الاجتماعية.. طلباتنا كتيرة وفئوية.. عايزين نلحق البلد داهية.. وقعت خلاص حكومة الحرامية.. وجمال وعلاء المباركية.. والراس الكبيرة المفترية.. كفيانا كده طلبات نقدية.. عايزين نستنشق عبير الحرية.. مصر بتصرخ حسوابيه.. مش قادرة أقف على رجليه.. ساعدونى وبلاش فلول وطعمية.. ونقول لا للفتنة الطائفية.. مسلمين مسيحيين من رحم أم مصرية.. وبرضه مش عارفين.. الدور الجاى على مين؟..
حد يقولى يا مصريين إحنا على فين رايحين.
أبو وعد
