دنيا مابتدوم لحد.. والمجرب عنده رد.. فى القفص نايم مسهم.. دمعتك بتبل خد.. والمحامى واقف يضلل.. والجياع قايماله حد.. بعد كرسى العرش أشوفك.. اللسان مالاقى رد.. موقفك خزى ومهانة.. لما سبت الراس لولد.. العيال ما تقود سفينة.. مِ الولاد فيه برضه ضد.. له أمرت بضرب ناسك.. ليه قتلت ما بينا ود.. لو فلوسك مليارات.. مش هتحمى وقت جد.. إيه لزومه الانحراف.. إيه لزومه مد يد.. ارضى بالمقسوم يا صاحبى.. فى الهنا هتعيش بجد.. دنيا ما بتدوم لحد.. والمجرب عنده رد.
