والله بعودة يا رمضان بعد الثورة بالأحضان
لما دعينا العام الماضى استجاب لنا الرحمن
شفنا الرؤيا هلالك فيها زى ما كان فى علمنا زمان
بالسلام احنا بدينا وشبابنا قال كده إدمان
شد الشارة من إيدينا واتأسف على الماضى ندمان
رفع الراية عبر فى يناير فوق كل القطط السمان
هتف الشعب من الحسين يد واحدة مع الأورمان
والصورة اكتملت بالجيش فى التحرير شعروا بأمان
ولما لواءه حيا شهيد الثورة بخشوع وإيمان
زى فى رمضان ألف ليلة الفانوس وخاتم سليمان
خرج الشعب من الكابوس والمعارضة من الليمان
والله بعودة يا شهر البركة والشعب كله عشمان
ليلة القدر تحل علينا ومصر فوق كل البلدان
