قلب مبارك مش سليم، عايزين نركبله دعامه.. واحبسوا الشعب اللئيم، وكمان هندفعله الغرامة.. إزاى تقولوا نحبسه؟ إزاى نوجهله ملامة؟.. دا شعب جاحد بالنعم، دا شعب مش عايز كرامة.. أذين مبارك بيرتجف، عايزين نعالجه والنبى.. عشان يقر ويعترف، لا كان ملاك ولا كان نبى.. ومن فلوسنا بيغترف، بالعملة مصرى وأجنبى.. والشعب كله بيستلف، ورئيسنا كان فاكره غبى.. قال إيه يقولك نصطلح، وسيبونى ياولاد بلدى ف حالى.. يعنى إيه حرب الجمل؟ دول حميرى ودول بغالى.. أنا كنت راح أعمللكم، ف الميدان عرض احتفالى.. يعنى انتوا لو بتفهموا، تولوا حد من عيالى.. يبقى مفيش غيره جمالى، يا شعب مش بيختشى، نسيتوا تاريخى ونضالى.. نسيتوا أنا كنت السبب، تعيشوا مرضى بالهزالى.. جبتلكوا ميه ملوثة، وأطلقت عليكم رجالى.. نهبتكو وقمعتكو، ولا كنتوا تيجوا ف يوم ف بالى.. متقولوش إنى حرمتكو، م الضرب حتى بالنعالى.. وكنت بالنسبالكم عميل، للكيان الإسرائيلى.. يقول يمين نروح يمين، ولو راح شمال وراه شمالى.. حبة فلوس عملتهم عشان أأمن بيهم عيالى.. بالذمة دا مين يعمله غير شعب جاهل لا يبالى.. كلمة واقفة أوى فى حلقى عايز أقولها دايما ليلاتى.. مش هنرضى تانى عنك لو فضلت سنين تهاتى.. اللى ممكن نعمله لما تموت بسرعة نطلبلك مغسلاتى.[email protected]
