يا عينى ع المسجونين فى الزنازين
نهبوا البلد عن عمد
حبة عصابة نصابة وهلابة
شعارهم (اخطف واجرى)
شلة مصالح شايلة المسابح
بيبص لنفسه ومصلحته الأغلبية قادرة وفاجرة
ومدوا إيديهم للحرام
دكاترة متخصصين فى الفساد
عليهم حبة دبلومات
اللى (قلة) فيهم بقاله فيلا
وكام عربية ملكية متعدش
والمالك لقصر بقاله قصور
واللى كان مكتوم اتكلم
الكل بيعللى مش مخللى
وجوه وبره عمال يحوش
ليه يا محبوس انت وهوه وهيه
استأمناكم على أرواحنا ومطارحنا
تلاتين سنة صبر ع الجمر
محلتناش غير الصلا والدعا
عايشين حياتهم ومش عايشين
وهما رموز الوطن ومصريين
طبعهم طبع ديابة فى الغابة
وعند اللزوم دوس بالدبابة
وكل واحد فى تياره سابح
وعشانهم بيقاوح ويناطح
نفذوافينا أكبر مؤامرة
وكل واحد هبرله هبره
متخرجين من كلية (الأوغاد)
تخصص (عناد واستعباد)
وكتب عليها اسمه وماشا الله
لكل عربية سواق ببدلة
والمكحكح صحصح وبقى ميسور
واتنفخ على فتحى سرور
بيسرق وياخد بالهيللى
من أول (عز) لغاية (العادلى)
تستولوا على حقوقنا الشرعية
وفى الآخر طلعتوا شوية حرامية
عايشين وحشين فى فقر وقهر
بنستنا فى لهفة طلوع الفجر
