لما تهب الشعوب وتثور.. تحطم كل القيود والسور.. وتطير خفافيش الضلام.. تهرب من غير كلام.. بعد ما كانت نسور.. غضب الشعوب زلزال.. يهز الجبال.. زى موج البحور.. يعلى يهيج.. ياخد ف وشه كل الجسور.. صوت الشعوب يضرب جرس.. تلقى الفرس صوته انخرس.. ولا يقدر حرس يحمى القصور.. لما الشوك يملا الجناين.. والخوف فوق الوش باين.. تزيد الآلام.. دم الشعوب بيفور.. زى الشرار والع.. تلقى دود طالع.. من جوه القبور.. من كل الجحور.. من تحت الصخور.. يصرخ بنفس الصوت.. هلى يا شمس وتعالى يا بدور.. خلى الناس تعيش فى النور.. ده الشعب قال كلمته.. والظلام لازم يغور.
