بعنجهية لسه بتتنك.. وبقلبها قعدة بتتلكك.. عشان نقفل ع المواضيع ونسكك.. وهوه إحنا فى شرف بلدنا هنشكك.. هى كانت شركة أهلها وبنفكك.. والكل ياخد اللى ليه والحكاية تنقضى وتسك.. وبلاش ننكش ف اللى فات ونبكى ونبكبك.. عاوزة تتنازل لينا عما نملك.. تتنازلى إيه يا هانم هوه كان حقك.. ده هبشك اللى من كد عكك.. وحقنا كله تحت جلدك مدكك.. بلدنا خربت من كتر لكك.. فى ودن المخلوع اللى وقف فى صفك.. لأنه شر ومن عينتك وصنفك.. متحيرين فى نسفك.. ولا يجيلنا خسفك.. كل الرحمة ليكى.. لما أم أصغر شهيد يا مصر فيكى.. بدم الشهداء تحميكى.. ويتسرب لروحك ويكويكى.. وطوبى يا ستى ليكى.. لما دم الشهدا يطهرك ويفنيكى!
