لشبابنا المصرى أنا بشكركم من غير ولا لف ولا محاورة
وبنوب عن شعبنا واذكركم من قلبى عشان أعظم ثورة
غيرتوا الدنيا.. بأفكاركم وكشفتوا بإصراركوا العورة
ورسمتوا بدماء شهدائكم ملحمة لا هى حركة ولا مناورة
من قلب التحرير حررتم وبدون تسويف ولا مشاورة
نبضات قلبنا بيكو اتصلت وما ينكر فضلكوا غير جاحد
رسالتكم لآبائكم وصلت فى ميدان الحرية الواعد
طلبتكوا أوامر وأهى حصلت بالكلمة وبالحرف الواحد
وعشان م أنا أخوكم وأبوكم وباسم الوطن أنا برجوكم
وعشان م إخوانكم حبوكم بسماحة المصرى أنا بدعوكم
يالا بنا نعمر ما نخرّب وترجع مصر لطبيعتها
ونقرب بعض وما نغرّب بشباب لها قولها وكلمتها
بعد ما فهمونا تعا نجرّب هنلاقى لثورتكو قيمتها
لشبابنا المصرى بهنيكم من غير ولا لف ولا محاورة
من قلب لقلب أنا بهديكم وأشكركم على أعظم ثورة
مدرس لغة عربية بمدرسة جمال عبدالناصر الثانوية
