فيه ناس بتجرى.. وناس بتمشى.. وناس بتعطف.. على بعض.. تسأل.. ع الحب تنده.. ولا حد يفهم!.. ولا حد يسمع!.. م الدنيا واسعة.. والناس بتسعى.. ولا حد شايف.. ولا حد عارف.. والكل ينده.. ع الحب يسأل.. ولا حد سامع.. ولا حد فاهم.. والكل ماشى!..
وكأنه عارف.. وكأنه فاهم.. برده يسأل.. ع الحب ينده.. فى دنيا واسعة!.. ويا ريتنا نفهم.. ويا ريتنا نسمع.. وبالحب نعمل.. وبعدل نحكم.. ولا يبقى ظلمة.. ولا يبقى جهلة.. والناس بحكمه.. تفهم وتعقل.. مش كل مرة.. يكر كرة.. والبكرة تفلت.. أو خيطنا يقطع!
