مسلم ومسيحى بالذمة بقى ده اسمه كلام.. يا ناس قولولى من امتى الفرق ده بان؟.. طول عمره أخويا وصديقى مينا ودميان من صغرنا أصحاب وحبايب وإخوات وجيران.. كان بيتى بيته.. وفى بيته كان ليا مكان.. ولا يتعرف مين فينا مسيحى ومين فينا تابع للعدنان.. والست دى أم محمد ولا أم مينا أو دميان.. اللقمة كنا بنقسمها والضحكة كلنا حسينها.. وإن جانى حزن يصبرنى فى وبطيبة قلبه يذكرنى.. ومحمد ضحى علشان مينا.. ومينا ضحى علشان دميان.. عدو غادر وجبان.. ورجعنا الفرحة كمان.. والعالم كله شهد لينا.. إننا أبطال سابقين العصر.. بهلال وصليب حققنا النصر.. ولا قلنا مسلم ومسيحى.. كلنا إخوات وأمنا هى مصر.
