مش خايف عليكى يا بلد من الغريب.. خايف عليكى من خلاف الحبيب ويّا الحبيب.. وكلام كتير وفتنة وهرتلة.. يا للعجب.. والحكاية صبية وصبى والدين ضحية وهما السبب.. من عهد خوفو ومينا وأحمس وتوت.. اسمك ومجدك منور يا أم الدنيا فى الملكوت.. وشمسك مدفية ولادك ومظللاهم كشجرة توت.. والحب مجمع قلوبنا بالفرح والرقص بالنبوت.. يا مصريين يا ممددين فى التاريخ بالطول والعرض.. لا نال منا عدو ولا غريب وحافظنا بدمنا على الأرض.. أصل المصريين.. صعايدة وبحرى مسلمين ومسيحيين بيخافوا على العرض.. لا ها تنفع معهم فتنة ولا حرب، والحب بينا ملء السماء والأرض.
