اللى بنى مصر.. كان فى الأصل حلوانى.. لا فى يوم كان طرشجى.. ولا عمره كان فسخانى.. ولا عمره كان بيفرق.. بين مسلم ونصرانى.. اللى بنى مصر.. كان جناينى مش زبال.. زرع زهور المحبة.. ورواها بعزم رجال.. وجمع فى وطن واحد.. جرجس ويا عبدالعال.. وقالوا مع سعد باشا.. «عاش الصليب مع الهلال».. اللى بنى مصر.. عظيم جواهرجى فنان.. نظم فى عقد دهب.. جواهر ياقوت ألوان.. الكل فى عقد واحد.. من طابا لحد أسوان.. وجمع بين حسن ومرقس.. فى الفرح والأحزان.. اللى بنى مصر.. بنى قصر له جنينة.. وجمع فيه الحبايب.. من الأقصر ومن سينا.. ومارى أخت فاطمة.. وأحمد أخو مينا.. والكل قال بقلب واحد.. دى مصر فى عنينا.
أسيوط
