إيد الإمام مع إيد البابا.. نعدى بر الأمان ونعيش فى سعادة.. مسلمين ومسيحيين شعب مصر نبع الطيابة.. شيخ الأزهر والبابا شنودة.. يا شعب مصر تقدر تمسح نقطة سودة.. تعالوا نفتح صفحة جديدة.. نخلى المحبة فى قلوبنا موجودة.. يا أم حسين يا أم مينا.. يا أم أحمد يا أم عياد.. ادعوا ربنا يسترنا ويحمينا.. بقلوبكم الطاهرة قولوا للولاد.. متبقوش لعبة فى إيد أغراب.. حاقدين على مصر عاوزينها تبقى خراب.. طول ما الأيادى فى الأيادى الخير هيعم البلاد.. الشيخ حضن المطران.. يا شعب مصر تعالوا نزرع الحنان.. بإيدينا نحصد ثمار الأمان.. ونرجع أيام المودة أيام زمان.. مسلمين ومسيحيين شعب مصر الشريف.. وقت الشدة إيد واحدة نقسم مع بعض الرغيف.. لازم نطهر قلوبنا من الكره والفتنة.. قبل ما يعدى الوقت ويفوتنا.. بإيدينا الأمان يرجع تانى لبيوتنا.. يللا نتقدم للأمام ومنخليهاش غابة.. يللا ندور على الأمان علشان خاطر الناس الغلابة.. يللا نمشى وراء الإمام والبابا.
مدينة نصر- القاهرة
