طول عمرها إسرائيل بتخطط عايزة الخصام
ما تصدقوش خرافة إنها عايزة السلام
ريحة الموت دخلت جحور النمل فى كل حارة
والسلام بيصرخ بينده من تحت الحطام
أناّته يا والداه طالعة من تحت أكوام الحجارة
والجتت ضاعت وتاهت وسط الزحام
الصهيونية فاكرة إنها قوة أو شطارة
وطول عمرها أخطبوط ناوى على الانتقام
ورغم أنها نسفت مبنى التجارة
أمريكا معاها وبتضرب لها تعظيم سلام
والشهداء فى السما بيحيوا أبطال الحجارة
معاهم محمد الدرة لابس على صدره وسام
والوعد جاى مع العباد أصحاب الجسارة
يحطموا جدران بتفصل الشعب الهمام
الصلح بينكم يا فصايل دا كان هوه الشطارة
لتوحيد جهود العودة لأرضكم يا كرام
عشان يفرح شعبنا الفلسطينى بانتصاره
والأذان فى القدس يعانق أجراس السلام
