يا رئيس الوزراء يا أبو الطبع الهادى.. يا حبيب الفقراء يا مشرَّف بلادى.. أنا ع المعاش وراتبى ع الأساسى.. وعندى تلات عيال واللى مصدع راسى.. رمضان ع الأبواب والسحور أساسى.. محتاج يا أحباب فول وبيض وزبادى.. أو علبة كده جبنة وحتة سمنة نباتى.. يعنى لو حاحسبها بس سحور ليلاتى.. من غير لا كنافة ولا بلح سيناوى.. حاحتاج 600 وحازعَّل مراتى.. ونخاصموا الطبلية ولا حاعزم حماتى.. ولا هاجيب ملوخية ولا فرخة لعيالى.. وساعة المغربية هادعى ع اللى فى بالى.. يجيلهم رزيَّة ويسيبوا الكراسى.. علشان القبضية يا عصام بيه يا غالى.. كلها 600 أصلها ع الأساسى.
مدرسة مجمع سيدى بشر
