اللى يزور سيدى السيد.. يقرالى فيه مليون فاتحة.. ويكنسه خمسين مرة.. ويبوس على رخام العتبة.. ويحط فى الصندوق قرشين.. ويحط بالدولارات عشرة.. ويدعى ربنا يخرب بيت.. بياع مصانع الكتان.. اللى يزور سيدى السيد.. يقوله فين بركاتك فين.. وفين سقر وطيور أبابيل.. اللى بتقذف الملاعين.. وفين دعاء عامل مظلوم.. شارب كاسات المر سنين.. بيدعى ربنا يخرب بيت.. بياع مصانع الكتان.. يارب وأنا ضمن عبادك.. اللى بيقفوا على بابك.. قاصدك ومش قاصد غيرك.. بجاه وصفوة أحبابك.. اللى هايشفع فى الأمة.. ونال شرف حب جنابك.. بدعيك يا ربنا تخرب بيت.. بياع مصانع الكتان.. يارب باعوا الغالى رخيص.. وحتى سرقوا اللى قبضوه.. وسمسروا فى مال المساكين.. وشباب من الجوع بقى بيتوه.. واللى قبض حق المصنع.. تاجر جشع وكمان مشبوه.. يارب تخرب بيته وبيت.. شارى مصانع الكتان
