ياللى خلعت البتاع.. خلعك على مخلوع.. ما هو أصل البتاع.. شريكه ف المشروع.. واللى ميشوفش مالبتاع.. أعمى مالوهشى ضلوع.. وأنا اللى عايز حقى.. وهو ده الموضوع.. وياللى.. وياللى صالحت البتاع.. صلحك ماهوش معقول.. ما هو أصل أصل البتاع.. مسرطن المحصول.. عنده بتاع وبتاع.. وسايبنا ناكل فول.. واسمع بتوع نتصالح!! انشالله تموت مشلول.. وياللى.. ياللى سجنت البتاع.. سجينك ماهوش مسجون.. ما هو أصل سجن البتاع.. زنزانته بالتليفزيون.. وبيطلب البتاع.. من جوه بالتليفون.. ويقوله ادفع بتاع.. إنشالله ميت مليون.. ونظبت البتاع.. وتخرجلنا الزبون!!.. وياللى وياللى وياللى!!
