دفعة جديدة لضباط الشرطة.. يله يا أمى هاتى التورتة.. فرحان جدا ويا إخواتى.. أملنا كبير تتغير خارطة.. أمن بلدنا أول مطلب.. تحموا الثورة تمشى المركب.. درع يا أخويا صاين بلدك تحموا ضهورنا النصر يقرب.. انتوا أملنا وعينا عليكو.. ربطنا العزة خلاص بايديكو.. دفعة نضيفة ما تعرف واسطة.. العدل سلاحكو قانون يحميكوا.. واحنا معاكم لحظة بلحظة.. جاهزين يله لأى ملاحظة..
أأمر يا إبنى هنسمع أمرك.. ودان مفتوحة دولة محافظة.. عايزين نرجع زى زمان.. نمشى ف شارع كله أمان.. نهار أو ليل أو ف الفجرية.. أنزل أصلى ما خاف إنسان.. انتوا أملنا الحلو الصافى.. ومصر بلدنا الحضن الدافى.. لما بتخدم بلدك يا ابني.. خير هيعم ويصبح وافى.. حضَّر يله معاك الشنطة.. خليك جاهز دايما يا أسطى.. فين يقولولك أنت هتخدم.. كله لبلدك طبعا اشطه.. إياك تظلم يوم إنسان.. القوة ف إيدك تبقى ميزان.. أوعى تظن الجور يحميك.. إعدل أحسن تبقى أمان.
