على باب شارع الكتان.. فى طريق كفر الحرامية.. قدام ناصية خصخصنى.. عند البلد الغربية.. هايقابلك سبعة لصوص.. وشيخ المنصر بسلامته.. وابو كرش كبير وزعيمهم.. مسؤول عموم الضلالية.
■ ■ ■
بيقولوا زمان الشارع.. كان فيه مصنع كتان.. يغزل ويبيع ويصدر.. إنتاجه فى كل مكان.. السمسار حب يسمسر.. أقنع الوالى يبيعه.. وكتب على باب المصنع.. هذا المشروع خسران.
■ ■ ■
واتثمن أرض ومصنع.. ومبانى بسعر الجملة.. المتر بربع جنيه.. والدفع أجل ومحايلة.. أما العمال وخلافه.. تتلقح جنب الحيط.. مدام الباشا أخد حقه.. لازم يقلبها تكية.
