وحان الوقت أقول مصرى ودا فجرى ودا عصرى
ودول رجالتى من قبلى فـ إيد جدعانى من بحرى
تنادى فى الظلام نسرى أنا مصرى أنا مصرى
أنا الشطّين ودمى النيل أنا اللى حضارة أنا اللى أصيل
بييجى الليل أقول ياليل وأكون لك فـ الظلام قنديل
وأشيل ع الكف أنا عمرى عشان فـ الأصل أنا مصرى
أنا ابنك ياسين خضرة ودا بشرى نبيل بشرى
جيران فـ الحلم للثورة على صوت الأذان عبرة
مع صوت الجرس يسرى.. وفـ الآخر أنا مصرىa
أنا مسلم ودا مسيحى بلا ترتيب وعيت وكبرت وهلالى فى قلبه صليب
عاهدنا بعض لا نسيبك ولا هنغيب ولا هنخلى فيه فرصة لأى غريب
يفرقنا عشان تهوى وتنكسرى ماعاش ولا كان دأنا المصرى
هتقسى راح أحبك موت هكسر صمتك المكبوت
وارحب باللى ييجى يفوت بصوتك وأنتِ أعلى صوت
وأشيلك فـ الفؤاد حصرى وأغنيلك أنا مصرى أنا مصرى
الشرقية - ديرب نجم - أبوعبدالله
