بعد 25 يناير اتحطم جوانا الخوف.. اتغيرت منى الملامح تعالى بص وشوف.. الكلام كان هنا واقف عند الحلقوم مكتوف.. كان خايف من الخروج كان شايف الحبل حواليه ملفوف.. لكن بعد الثورة طلع زى الديزل لا يعرف الوقوف.. والضحكة اللى اترفعت نزلت من على الرفوف.. اترسمت على الشفايف والعيون والوش أصبح مكشوف.. بعد 25 يناير اتحطم جوانا الخوف..
اتجمعنا من تانى واتوحدت كل الصفوف.. واتفتحت كل الدفاتر وخرجت منها الكشوف.. تبوح بسر زى الكابوس عصابة ورئيسها معروف.. واكلين مال الشعب واكلين نار فى الجوف.. لكن فى شرفاء للفساد وعيونه بتشوف.. وكلامهم دايما فى الحق أقوى من السيوف.. وفى ناس كتير متبرعين بالجنيه وبالألوف.. علشان نبنى ونعمر بلدنا ونقف أول الصفوف.. بعد 25 يناير اتحطم جوانا الخوف.
البحيرة ــ كفر الدوار
