يا صوت الميدان
هتافك بيعلا ويعلا ويعلا
يهز الكيان
ينادى الأدان
يعيد العدالة
وصفو الأمان
يا صوت الميدان
يا مدهش ورائع
تهب ف صدورنا
بثورة مواقع
بروح ليها دافع
يا ثورة عفية
وزهرة ندية
زعامة وإرادة
لإسقاط مطامع
يا ثورة ذكية
وتلاحم حضارى
ف دارك ودارى
■ ■ ■
يا صورة لمدينة
بحياتها الكريمة
ولاؤنا انتماؤنا
لمصر العظيمة
وصوت الميدان
بيرفع علم مصر مجد الزمان
فساد احتلاله يسود المكان
يغطرس يخرب ويسرق يهرب
وفين الإيمان
خلاص النهاية بداية شروق
لأخلاق تصون المعاملة ف حقوق
وعلم وتحضر يعلينا فوق
وأعلا وأعلا يا صوت الأدان
فى قلب الميدان
