أحمد حمدى وأخوه ميخائيل شاربين مية نهر النيل
والجامع بقى جنبه كنيسة والقرآن ويَّا الإنجيل
وقت الشدة الإيد فى الإيد ابن غفير أو ابن ذوات
ولا فى سادة ولا عبيد ولا فى فرق بين الطبقات
ف الأعياد بالفرحة نهنى ونبارك ونقول لمهنى
ح انعيش طول العمر حبايب وف أفراحنا قلوبنا تغنى
آدى هلال وف حضنه صليب كتب كتاب وياه إكليل
أمجد وأحمد ويَّا حبيب حب كبير ومالهش مثيل
لما نعيش على طول أصحاب ولا نقفل بنا الأبواب
النخوة ح اتجرى فى عروقنا بسمة ودمعة نكون أحباب
