فى التحرير مالية الميادين.. ومن جناينها الورد بيسقط.. مسكت الورد لقيت الورد فل وياسمين.. قلت الله عليك يا بلادنا زرعك أخضر.. بريحة المسك وريحة العنبر جوه الطين.. سألت الورد: إيه اللى أنا ماسكه فى إيدى يا ورد.. شايفك دافى فى عز البرد؟.. شايفك ليه زعلان وحزين؟.. قال الورد أخاف تنسونى وألا تناموا مع الناسيين.. وتنسوا حكايتى، بدمى كتبت المجد.. قلت ازاى ننساك.. واللى هيقدر ينساك مين؟..
دا أنا لو أنسى.. بلادنا ما تنسى.. وكل الدنيا كمان شاهدين.. شوف هتلاقى قطر الثورة بيجرى بوردك.. وانت لوحدك.. وسط القطر فى نص الصورة مع الواقفين.. واسمع قطر الثورة بيهتف ينادى باسمك للملايين.. وربك قال الكل يموت.. انت لوحدك حى بترزق وسط الجنة مع الخالدين.. الله يا ولاد.. كنت باقول دا خلاص هنموت من غير صوت.. زى جدودنا.. بس الحمدلله.. ركبنا القطر وجبنا الفخر كمان لأحفادنا.. واللى ما شاف القطر هيسأل.. قطر دا وألا جناح حرية؟.. رجع لينا أحلى عهودنا.. قطر الثورة.. يا قطر الثورة.. جيت بالفرحة.. تكتب صفحة.. الحرية سر خلودنا.. الحرية سر خلودنا.
الكويت
