جارى مسيحى ساكن فى ريحى عشرة غالية المقدس عجيب
ابنه شنودة صاحب ابنى حودة وابنه مينا صاحب ابنى نجيب
سنين وإحنا يد واحدة وباب واحد بيقفل علينا
أحزان وفرحة أو شدة جارحة بكلمة واحدة الحب ينادينا
لو مال زمانى ألقاه نادانى وبكل حب يدخل علينا
يواسى حالى ويجبر عيالى والفرحة تبقى ماليه عنينا
كل واحد له عقيدته والرب واحد بنعبده
وبطريقته يمارس عبادته عن دينه محدش يبعده
الوطن أرض الجميع لله الدين والعبادة
عمر الوطن ماراح يضيع مادام فى إيدينا الإرادة
سيدى بشر- الإسكندرية
