آن الأوان من الميدان ننصرف.. نرفع برانيط التحية للشباب ونعترف.. نرجع بيوتنا والمصانع والمزارع.. روحنا الجديدة فى العمل شىء يختلف.. قالوا الشباب عندنا مرض ميئوس. لا فيه أنتما ولا علم جوه الروس.. نفض الشباب علته بالعزم والإصرار.. حطم بيبان محنته المارد المحبوس.. مضينا وقت فى التظاهر والهتاف.. وشلنا بعض فى الميدان فوق الكتاف.. سقط النظام وانحنى قدام شبابنا..
إصرار عظيم جوه القلوب عمره ما خاف.. الجاى أقوى يا اخوانا من اللى فات.. والهم جوانا طبقات ورا طبقات.. لموا الأيادى سوا وحدوا القوة.. دشدشوا الصخر وطلعوا الثروات.. جه وقتكم وقت العمل وقت العرق.. لو تخلصوا لربكم تلقى الوطن بينا سبق.. الناس فى كل الدنيا شايفة فعلكم.. بالعزيمة والأمل ويا الشباب طبعاً فرق.. مدوا إيديكم للبلد إنقذوها م الغرق.. يله نعوض كلنا اللى ضاع واللى انحرق.. عصر جديد نور بنوركم فى الحياة.. وخلوا القانون للى نهب واللى سرق.
بشلا ميت غمر
