سجل ثورة الشباب بحروف من ذهب وياقوت
سجل على كل قبر شهيد شهيد عاش مظلوم مكبوت
صرخ صرخته كانت البركان اللى دمر عرش الحوت
بزغت منها شمس الأمل واسمه أصبح فى القلوب منحوت
سجل مصر هى مصر ومصر ع الدوام ولادة
هى مركز الثورات وفى العروبة ليها الريادة
شعبها واعى ومثقف عنده عزيمة وإرادة
هيبنى مصر من تانى ويملاها خير وسعادة
سجل أسماء الفاسدين والأرقام اللى منهوبة
واكشف قناع الوشوش واللعبة اللى كانت علينا ملعوبة
سجل أسماء الشرفاء اللى أرواحهم للحرية موهوبة
سجل محمد ومينا ومنى ومريم وأفراح العرايس فى الميدان منصوبة
