بلاش العند ده معايا وماتلفش وماتدورشِى
عشان خاطر ماتندمِش طاوعنى وسلم الراية
حاتمشِ معايا بالحسنى حاشيلك جوه ف عيونى
وحافرشى رمشى وجفونى وحانشيلك على راسنا
حاتتلائم وتتعالى حاشيلك من نظر عينى
ومهما تلف وتجينى حاتلقى نفسى شياله
بلاش تنغر فى نفسك وتتكبر وتتأمر
ودايما تبقى متذمر ومش طايق كمان لمسك
ياسيدنا الدنيا دوّاره ومابترحمش يوم واحد
ولا طيب ولا جاحد وفيها الكل عبارة
يا ريت نفهم ونتواضع عشان ربك مايرفعنا
ويبقى للحياة معنى ونعرف إن فى رادع
يارب اجعلنى أبات مظلوم ولا تجعلنى يوم ظالم
الإسكندرية
