كل شبر فى أرض مصر.. يساوى دولة.. كل طفل فى بيت فى مصر.. يساوى أمة.. كل أب كل أم.. كل عم كل خال.. صعب إنك يوم تلاقى.. زى ليهم فى الخيال.. هما دول الفلاحين.. هما دول الشقيانين.. اللى كل قرش جالهم.. كان نتاج عرق الجبين.. هما دول المصريين.. على أكتافهم مقطف وفاس.. خضروا ملايين الفدادين.. سعدوا ملايين الناس.. شالوا هموم حمل الجبال.. ميعرفوش طريق المحال.. انتصروا فى الحروب وعدوا القنال.. حفظوا الكرامة للى فات واللى جاى م الأجيال... أبطال فى مصر وفى كل مكان.. أغنياء النفس فقراء المال.. الضيف ما بينهم يعيش فى أمان.. يدخل عليهم ما ينسى الاستقبال.. هما دول المصريين. أولاد سعدية وإحسان.. أولاد عنايات وإيمان.. عندهم الوطنية إيمان.. كلهم متحدين.. مسلمين مسيحيين.. مش مهم إيه الديانة.. المهم كلهم مصريين.. بحب تراب الوطن.. وبحب اللى يحب الوطن.. ومهما اندس من الوطن.. ما بيقولوا غير يحيا الوطن.. الوطن دم فى عروقهم.. الكرامة والأصالة مبدأهم.. الزرع يخضر بعرقهم.. الضحكة ما تفارق خدودهم.. ولو مرة المر جالهم.. رجالة ومتحملين.. ومربيين عيالهم.. على أنهم مصريين.. مش مهم مسلمين.. مش مهم مسيحيين.. المهم كلهم واحد.. واسمهم المصريين.
