البطن لسه ولادة.. وبهية حلوة بزيادة.. ولساه عودها بيتمخطر.. بيطرح أجمل شباب أخضر.. وشفت العود عليه طرحه.. وتحته الأرض بتصالحه.. وجدره ضارب فى قلبيها.. بتروى وبتغذى.. تزقه فوق ليحميها.. وعمال يعلى كده ويكبر.. وصوت الحق فوق مدنه.. سامعه بيكبر.. نداها الكل يعرفها.. دا حبك فيا بيسيطر.. نداك أدانك.. الله أكبر.. يقوم إبليس قوام يصغر.. ويتدارى ويتوارى.. وكل الخلق ليه بتحقر.. وتطرح كل الأرض عود أخضر.. دا أصل ندانا.. دا هو وبس.. الله أكبر.
