متر الوطن بكام يا بلد؟.. متر الوطن بكام؟.. كل شىء له تمن.. والجيب خرمان.. تيجى تخيطه تلاقيه عدمان.. الفلوس اللى تيجى فيه.. تطير زى الدخان.. أقول إيه ولا إيه؟.. والبلد فى حالة غليان.. أسعار نار ومواصلات لازمها انتظار.. والوقت يمر وإحنا لسه راكبين الحمار.. حتى الأكل بقى فيه سرطان.. فين زمن الجدعان؟.. اللى ناسه كانوا يخافوا ع البلد زمان.. راحوا مع اللى راحوا بعد ما ضاع الأمان.. ليه يا مصر بقيتى وسط الجيران.. ما لكيش كلمة ولا موقف زى زمان.. ولا لازم يطلع من قبره.. اللى قال تأمم القنال.. ليه بقيتى زى المواطن الغلبان.. اللى مالوش كلمة وآخرته اللومان.. ليه يا مصر قلبى وجعان.. بكلام أقوله وإنتى مش سمعانى.. ولا حاسة بيه ولا فهمانى.. خللى بالك منهم.. اللى فاكرينك سلعة فى دكان.
صحفية بجريدة الحقيقة المصرية
