من كل حتة وبأعلى صوت.. متجمعين ولو حنموت.. مايهمناش من ضرب السوط.. علقة تفوت ولا حد يموت.. أيوه تعبنا وجبنا آخرنا.. وطلعان عينا ومش شايفين.. بكرة بيغلى وإحنا بنرخص.. عايزين نعرف فين رايحين.. مش عايزين أكتر من روحنا.. نتعامل كالبنى آدمين.. أيوه خلاص وبجد دى كلمة.. من اليوم ده ما احناش ساكتين.. مطالبنا التعليم والصحة.. وقطع إيدين كل الفاسدين.. واللى بقاله كتير معملشى.. يمشى وييجى ناس تانيين.. يعملوا حاجة لمصر بلدنا.. يا عينى ولادنا بقوا ضايعين.. من كل حتة وبأعلى صوت.. متجمعين ولو حنموت.. مايهمناش من ضرب السوط.. علقة تفوت ولا حد يموت!
