أنا عايش على الهامش وف عينى الصورة مقلوبة.. وياما ف الدنيا دى هوامش وأنا م الناس اللى مغلوبة.. ويجى أمشير بزعابيبه وإيه ف حياتنا اللى بيجيبه.. خلى حياتنا بقت مرة والهم حلفنا ما نسيبه.. وأنا ف أمشير بأقاسى كتير وبتألم لما تيجى طوبة.. وأنا عايش على الهامش وف عينى الصورة مقلوبة.. أنا قلت العيب ده فى عنيه طب ليه الرعشة ف إيديا.. مفيش ف الدنيا حنية وإيه يخليها محبوبة.. أنا ضى شمعة بينطفى زى الحق بقى يختفى.. أمنتك يادنيا لتحلفى ليه ماحد فيكى فضل وفى.. يا دنيا ماترحمى شوية أنا عميت ولا عنية معصوبة.. وأنا عايش على الهامش وف عينى الصورة مقلوبة.
Nabelka_2010@yahoo.com
